Column: Kiek-over-diek (24)

Foto: WinsumNieuws

Rondje Moarhoezen

Vanmörn even n rondje Moarhoezen doan. Dou k wel voaker, Even kop
leegmoaken. n Uuttje bis onderwegens, van hoes tot hoes en hes der
haile dag wil van. Noa n ketaaier wors waarm en den gaait hazzens joe ook
aan loop, schut joe van alles ien t zin.
Kiek, vanof weg noar Roanem hes oetkiek over hoofdvestiging van Winsum.nijs.
En over t Hogelaand. Mien Hogelaand. Mijnhogeland.nl. n Nije vrizze site, woar
ik kortsleden tegen aanlaip. Mooie korde verhoalen over gewone en ongewone
lu om ons tou. Bevobbeld over keesboer Luut Joager, wel ken hom nait. En ol
dokter Vizzer oet Bavvelt. Kiek r mor ais op, ik heb r gain aandailen ien, mor
ken joe t aanroaden, www.mijnhogeland.nl.

Echte oprechte verhoalen over gewone lu, dat vien ik t mooiste. Dut mie denken
aan n interview dij ik al tiedstieden ien n mapke bewoar, maank aander verhoalen.
Over boer Reyntjes oet Gawwerd ien gesprek met G. Stremmelaar. Bie gelegenhaid
van t vattegjoareg bestoan van Stichten Grunneger Landschop ien 1976, ien n
spesioale oetgoaf opnomen. n Interview om n puntje aan te zoegen. Kort, bondeg
en zo kloar as n klonje. Ien minner as n haalf A-vaaier wordt t boerenbestoan oet dij
tied, midden joaren zeuventeg, blootlegd. Reyntjes even aan t woord.

Ik ben 50 jaar. De boerderij heb ik gepacht, Er is 4 ha bouwland, 19 ha groenland,
25 melkkoeien, 9 pinken, 9 vaarzen, 3 paarden en 10 schapen.
Ik werk met paarden, niet met een trekker. Er zijn wel meer boeren met paarden,
maar niet veel die met paarden hun bouwland bewerken. Ik kijk niet op de klok.
Dat moet ook niet. Ik mag graag over een paard. En de laatste 15 jaar zijn die trekkers
ook steeds groter geworden. Een nieuwe kost zo n f 40.000,-.

En met paarden, af en toe komt er een veulen bij. Als ik een paard verkoop dan krijg ik zo f 2000.-. En wat de paarden in het land vreten dat vreten de koeien niet.
Investeren? Ik ben 50 jaar. Je zou grond moeten. Je moet misschien wel een miljoen
investeren. Dat is een groot probleem. Ik ben een boer die een beetje rustig aan doet.
Ze zeggen dan wel of je nu voor een half of voor een heel miljoen failliet gaat. Dat moet je kunnen. Zo ben ik niet. Ik ben tevreden. Ik heb geen moeilijkheden. Ik maak wel veel uren natuurlijk. Maar het is wel aardig werk. Je bent altijd buiten.
Land is erg duur. En inmiddels stikken we in de melk. Ik ben lid van de Groninger
Maatschappij van Landbouw in Winsum. Zitten jonge vooruitstrevende boeren in. Ik
spreek ze niet tegen.

Gain gelul, recht deur zee en zeggen woar t op staait. En Reyntjes loat zien gevuil
spreken. Knap waark van Stremmelaar, want veur n goud interview heb je twij man
neudeg.
Boer Reyntjes, ik durf te wedden, is n rasechte Grunneger. En dat vien ik meschain
nog wel t allermooiste van dit verhoal, t is n oprecht kunststukje ien t Grunnegs, dij
Stremmelaar ien t Nederlands optaikend het. Ik mag graag over een paard.
Ien 1976 was boer Reyntjes 50. Hai zol nou ien de negenteg wezen. Zol e nog leven?
Tip veur mijnhogeland.nl ?
Ik ben al weer bie gemaintewaarkploats aan Schouwerzielsterweg en hoast weer thoes.
Mooi waark. Ik mag graag lopen.

I-pit

Cookieinstellingen