Haarst
week of wat op n schiere staaiger
aan hoofdstroat w twij olle raaigers
elk verkloarde heur veur gek
kraben en knooien, kwasten ien bek
je zagen ze denken: dij haalve zolen
wat moaken ze doar veur kapriolen
bie geut en boven bie akkeneel
vroug of loat komt ain omdeel!
zo te zain mit veul plezaaier
aan hoofdstroat w twij olle raaigers
tussen spar en kerkgebaauw
dag ien dag oet mit riw ien taauw
auto, lopend, op plof of fiets
elk kwam wel n moal of wat veurbie
ook Winsum.nijs kon t nait geloven
en raip: kiek oet, veurzichteg aan doar boven!
vandoag touvalleg, net op dag van daaier
klus is kloar en weg ken staaiger
ik heur joe denken, joe allemoal
wat mout ik mit zo n lulverhoal?
toch zit r n bosschop ien dit laid
want raaigers bennen de domsten nait
zet veurkaant hoes vast goud ien vaarf
veurdat haarst de bouln veurgoud bedaarft
I-pit
